andhi bhid ka dar

ARTH.....

ek swarn mrig ki chahat me kya?
shayad sabhyata apni mai bhul gaya,
ya vichar bhid ki sunkar mai..
us bojh ke niche jhul gaya...

janta hun,
andhi bhid hamesha thokar deti hai,
anshu, khun sab chus leti hai,
or jakhm per jo patti chadhati bhid,
kisi or ke khun se sani hoti hai...

haan par,
usi andhi basti ki bhid,
akele chalne par aankh dikhati hai,
mari padi wahi bhid..josh me aakar,
makhol banati hai..

par,
prasn mere astitva ka hai,
jo mrig ke piche dol raha hai,
par andhi bhid me parijano ko dekh,
mujhse har pal bol raha ki...

andhi basti ki andhi bhid to bas,
andho ko apnati hai
aham apna pura karne wo,
murdo ki bali chadhati hai
kya
aatma bech kar apna mai,
andhi bhid me banu saudagar ,
ya akant rah me dur kanhi,
swarn mrig ko khoju jakar

bhukh.....har rang me

BHUKH.......

ye bhukh hoti sarp si,
muh phade khojti kisi bhuke ko,
chabati nahi, rulati nahi..
rah rah kar darati nahi;
Achanak kabhi nigal leti hai...
ye bhukh hoti sarp si ,
nigle hye shikar ko ,adhmara bana ugal deti hai.

bhukh hoti har kism ki,
kabhi pet ,to kabhi jism ki
daulat, ijjat, rasm ki,
sunsan ki ,chupchap ki, kabhi bhid me padchap ki..

bhukh hoti aag jaisi, phailti wo paglo si,
sapne dikhati indradhanushi,
phodta phir bulbulo si.
bhukh ka muh anant jaisa,
kabhi na bhar pata hai..
sukha , bhukha ,bada chota sab ko hi wo kahata hai

bhukh hoti har rang ki,
sukh shanti ki kabhi jang ki.
dosh ki kabhi rosh ki
kabhi dar to kabhi josh ki..


par bhayank bhukh to hai,
bhukh ki hi bhukh hona.
bhukh ki hi bhukh me thithurkar..
kambalon me jagna na sona.

swapn agar kho jaye bhanwar me,
bejan eet ke mrih sahar me,
tab bhukh jagti nahi hai,
jibh se dhakti nahi hai.

hai bhukh hoti dimko si,
khokhli kar jati hai,
par bhukh ho jise bhukh ki,
use us haal par chod,
bagal se chali jati hai